Ι.Ν. Αγίων Αντωνίου και Χαραλάμπους εις Κρύα Ιτεών Πατρών: Προσευχές Τραπέζης (προ και μετά φαγητού)

ΠΡΟ ΤΟΥ ΓΕΥΜΑΤΟΣ

Πάτερ ἡμῶν, ὁ ἐν τοῖς οὐρανοῖς· ἁγιασθήτω τό ὄνομά σου· ἐλθέτω ἡ βασιλεία σου· γενηθήτω τό θέλημά σου, ὡς ἐν οὐρανῷ καί ἐπί τῆς γῆς. Τόν ἄρτον ἡμῶν τόν ἐπιούσιον δός ἡμῖν σήμερον· καί ἄφες ἡμῖν τά ὀφειλήματα ἡμῶν, ὡς καί ἡμεῖς ἀφίεμεν τοῖς ὀφειλέταις ἡμῶν· καί μή εἰσενέγκῃς ἡμᾶς εἰς πειρασμόν, ἀλλά ῥῦσαι ἡμᾶς ἀπό τοῦ πονηροῦ· ἀμήν.

Δόξα Πατρί καί Υἱῷ καί Ἁγίῳ Πνεύματι·

Καί νῦν καί ἀεί καί εἰς τούς αἰῶνας τῶν αἰώνων· ἀμήν.

Κύριε, ἐλέησον· Κύριε, ἐλέησον· Κύριε, ἐλέησον.

Χριστέ ὁ Θεός, εὐλόγησον τήν βρῶσιν καί τήν πόσιν τῶν δούλων σου, ὅτι ἅγιος εἶ, πάντοτε, νῦν καί ἀεί καί εἰς τούς αἰῶνας τῶν αἰώνων· ἀμήν.

ΜΕΤΑ ΤΟ ΓΕΥΜΑ

Εὐχαριστοῦμέν σοι, Χριστέ ὁ Θεός ἡμῶν, ὅτι ἐνέπλησας ἡμᾶς τῶν ἐπιγείων σου ἀγαθῶν· μή στερήσῃς ἡμᾶς καί τῆς ἐπουρανίου σου βασιλείας, ἀλλ’ ὡς ἐν μέσῳ τῶν μαθητῶν σου παρεγένου, Σωτήρ, τήν εἰρήνην διδούς αὐτοῖς, ἐλθέ καί μεθ’ ἡμῶν, καί σῶσον ἡμᾶς.

Δι’ εὐχῶν τῶν ἁγίων πατέρων ἡμῶν, Κύριε Ἰησοῦ Χριστέ ὁ Θεός, ἐλέησον καί σῶσον ἡμᾶς.

ΠΡΟ ΤΟΥ ΔΕΙΠΝΟΥ

Φάγονται πένητες καί ἐμπλησθήσονται· καί αἰνέσουσι Κύριον οἱ ἐκζητοῦντες αὐτόν· ζήσονται αἱ καρδίαι αὐτῶν εἰς αἰῶνα αἰῶνος.

Δόξα Πατρί καί Υἱῷ καί Ἁγίῳ Πνεύματι·

Καί νῦν καί ἀεί καί εἰς τούς αἰῶνας τῶν αἰώνων· ἀμήν.

Κύριε, ἐλέησον· Κύριε, ἐλέησον· Κύριε, ἐλέησον.

ΜΕΤΑ ΤΟ ΔΕΙΠΝΟΝ

Εὔφρανας ἡμᾶς, Κύριε, ἐν τοῖς ποιήμασί σου, καί ἐν τοῖς ἔργοις τῶν χειρῶν σου ἠγαλιασάμεθα. Ἐσημειώθη ἐφ’ ἡμᾶς τό φῶς τοῦ προσώπου σου, Κύριε· ἔδωκας εὐφροσύνην εἰς τάς καρδίας ἡμῶν. Ἀπό καρποῦ σίτου, οἴνου καί ἐλαίου αὐτῶν ἐνεπλήσθημεν. Ἐν εἰρήνῃ ἐπί τό αὐτό κοιμηθησόμεθα καί ὑπνώσομεν, ὅτι σύ, Κύριε, κατά μόνας ἐπ’ ἐλπίδι κατώκισας ἡμᾶς.

Δι’ εὐχῶν τῶν ἁγίων πατέρων ἡμῶν, Κύριε Ἰησοῦ Χριστέ ὁ Θεός, ἐλέησον καί σῶσον ἡμᾶς.